چین کی تھری گورجز کارپوریشن کی جانب سے پاکستان کیلئے دس ملین چینی یوان مالیت کے طبی سازوسامان کا عطیہ

بیجنگ میں چین کی تھری گورجز کارپوریشن کی طرف سے پاکستان کی نیشنل ڈزاسٹر مینجمنٹ اتھارٹی کو ہنگامی طبی سامان عطیہ کرنے کی تقریب کا انعقاد ہوا۔ تقریب میں چین میں پاکستان کی سفیر نغمانہ عالمگیر ہا شمی ، چین کے وزارت خارجہ کے ڈپٹی ڈائریکٹر جنرل یاو وین ، چائنا تھری گورجز کارپوریشن کے چئرمین لی منگ سن اور چینی حکومت اور کارپوریٹ سیکٹر کے سینئر اہلکاروں نے شرکت کی۔

چائنا تھری گورجز کارپوریشن نے اس موقع پر کووڈ ۔۱۹ کی روک تھام کیلئےدس ملین چینی یوان مالیت کا طبی سامان پاکستان کو عطیہ کیا ۔ اس موقع پر چینی اہکاروں نے اس عزم کا اظہار کیا کہ مشکل کی گھڑی میں چین پاکستان کے ساتھ مضبوطی سے کھڑا رہیگا۔

پاکستان کی سفیر نغمانہ ہاشمی نے چینی شرکاء کا پاکستان کیلئے والہانہ جذبات کے اظہار پر شکریہ ادا کیا اور کہا کہ حالیہ دنوں چین کے مختلف شعبہ ہائے زندگی سے تعلق رکھنے والوں نے دل کھول کر پاکستان کی مدد کی ہے اور بڑی مقدار میں عطیات دیے ہیں۔