چین بیرونی سرمایہ کاری کی حوصلہ افزائی کرئے گا

لی کھہ چھِیانگ نے حکومتی ورکنگ رپورٹ میں کہا کہ رواں سال بیرونی سرمایہ کاری کی چینی منڈی تک رسائی کے لیے منفی فہرست میں نمایاں کمی کی جائے گی ۔ کراس بارڈر سروس ٹریڈ کی منفی فہرست جاری کی جائے گی اور آزاد تجارتی آزمائشی زونز کو اصلاحات اور کھلے پن کے لیے زیادہ اختیارات دیے جائیں گے ۔ انہوں نے کہا کہ ہائی نان آزاد تجارتی بندر گاہ کی تعمیر کو تیز تر کیا جائے گا ۔ وسطی اور مغربی چین میں آزاد تجارتی آزمائشی زونز کے قیام پر زور دیا جائے گا اور اعلیٰ معیار کے مطابق دی بیلٹ اینڈ روڈ کی تعمیر کی جائے گی ۔

لی کھہ چھیانگ نے مزید کہا کہ چین کثیرالجہتی تجارتی نظام کا مضبوطی سے تحفظ کرے گا اور عالمی تجارتی تنظیم کی اصلاحات میں فعال طور پر شریک ہو گا ۔ چین –جاپان –جنوبی کوریا سمیت دیگر آزادانہ تجارتی مذاکرات کو آگے بڑھانے کے ساتھ ساتھ چین – امریکہ اقتصادی و تجارتی معاہدے کے پہلے مرحلے پر عمل درآمد کے لیے کوشش کی جائے گی ۔