ہانگ کانگ کے امور چین کے داخلی امور ہیں جن میں دوسرے ممالک کو مداخلت کاحق نہیں ہے۔

ہانگ کانگ کے حوالے سے مختلف ممالک کے ماہرینِ بین الاقوامی امور کا کہنا ہے کہ چین کی قومی عوامی کانگریس کی طرف سےجاری کردہ  ہانگ کانگ سے متعلق قومی سلامتی کا  قانون چین کا داخلی معاملہ ہے اور دوسرے ممالک کو اس میں مداخلت کا کوئی حق نہیں ہے۔ پاکستان انٹرنیشنل اسلامک یونیورسٹی کے نائب پروفیسر اور بین الاقوامی امور کے ماہر  منصور آفریدی نے کہا کہ ہانگ کانگ کے معاملات  چین کے داخلی امور ہیں ، امریکہ سمیت کچھ ممالک نے،چین مخالف قوتوں کی جانب سے پھیلائے گئےانتشار اور علیحدگی پسندوں کی پرتشدد سرگرمیوں کی کھلم کھلا حمایت کی ہے جس سے ان کے مکروہ ارادےاور بالا دستی حاصل کرنے کے عزائم بے نقاب ہوئے ہیں ۔چین کی قومی عوامی کانگریس ، آئین اور ہانگ کانگ کے بنیادی قانون کے مطابق ہانگ کانگ سے متعلق قومی سلامتی کے قانون کو فروغ دیتی ہے ،یہ عمل  قومی سلامتی کو لاحق خطرات کو ختم کرنے کے لیے ہے جو کہ جائز ہے اور قانون سے مطابقت رکھتا ہے۔