اقوام متحدہ کی جنرل اسمبلی سے چینی صدر کے خطاب نے ذہن پر گہرے نقوش چھوڑے ، پاکستانی دانشور شفقت منیر

اقوام متحدہ کی پچھترویں سربراہی کانفرنس اور اقوام متحدہ کی جنرل اسمبلی کی عام بحث سے چین کے صدر مملکت شی جن پھنگ کے خطابات پاکستان میں توجہ کا مرکز بن گئےہیں۔سینئر محقق ،تجزیہ نگار اور پاکستان انسٹی ٹیوٹ برائےپائیدار ترقی کے سیینئر محقق شفقت منیر نے اس بارے میں اظہارِ خیال کرتے ہوئے کہا کہ صدر شی جن پھنگ نے اپنے خطاب میں کثیرالجہتی کا جو تذکرہ کیا اس نے ان کے ذہن پرگہرے نقوش چھوڑے ہیں۔ان کا کہنا ہے کہ شی جن پھنگ کے خطاب میں اقوام متحدہ اور کثیرالجہتی کو مستحکم بنانے کا پیغام دیا گیا ہے۔شفقت منیر نے کہا کہ چین اقوام متحدہ کی سلامتی کونسل کے مستقل ممبر کی حیثیت سے خطے کے امن و استحکام کے تحفظ میں اہم کردار ادا کرتا ہے۔ صدر شی جن پھنگ نے اپنے خطاب میں انسداد وبا کے لیے عالمی تعاون کا بھی ذکر کیا۔ ان کا خطاب دنیا بھر میں وبا کے خلاف فتح پانے کے لیے رہنما کردار ادا کرتا ہے۔