ایران پاکستان کے ساتھ سیکورٹی تعاون کو مضبوط بنانے کا خواہاں

ایرانی وزیر داخلہ عبدالرضا رحمانی فضلی نے سترہ تاریخ کو کہا کہ ایران اور پاکستان کے سرحدی علاقے میں سلامتی کی موجودہ صورتحال انتہائی مشکل ہے اور ایران اس سلسلے میں پاکستان کے ساتھ سیکورٹی تعاون کو مضبوط بنانے کا خواہاں ہے۔ 
ایران کی خبر رساں ایجنسی تسنیم نے عبدالرضا رحمانی فضلی کا حوالہ دیتے ہوئے کہا کہ اگر پاکستان کو علاقے میں موجود دہشت گرد تنظیموں کے خلاف لڑنے میں دشواری پیش آرہی ہے  تو  ایران پاکستان  کی اجازت کے ساتھ پاکستان میں داخل ہو کر ان کے خلاف کارروائی کرنے کے لئے تیار ہے.
انہوں نے کہا کہ دہشت گردوں کی طرف سے اغوا کئے گئے ایرانی فوجی اہلکاروں میں سے پانچ کو  پندرہ تاریخ کو رہا کردیا گیا ہے اور باقی ماندہ مغویوں کی رہائی کے لئے کوششیں جاری ہیں۔یاد رہے کہ اکتوبر کے وسط میں ایرانی سرحدی سیکیورٹی اہلکاروں سمیت چودہ افراد کو  ایران اور پاکستان کےسرحدی علاقے میں اغوا کر لیا گیا تھا۔ ایران کے مطابق ان مسلح اغوا کاروں کے ٹھکانے  پاکستان میں ہیں.