پاکستان عالمی معاملات میں یکطرفہ نظریات اور سوچ کا مخالف ہے،ملیحہ لودھی

2018-11-28 16:43:38
شیئر
شیئر Close
Messenger Messenger Pinterest LinkedIn

پاکستان عالمی معاملات میں یکطرفہ نظریات اور سوچ کا مخالف ہے،ملیحہ لودھی

پاکستان عالمی معاملات میں یکطرفہ نظریات اور سوچ کا مخالف ہے،ملیحہ لودھی

نیویارک(آئی این پی ) اقوام متحدہ میں پاکستا ن کی مستقل مندوب ملیحہ لودھی نے کہا ہے کہ پاکستان عالمی معاملات میں یکطرفہ نظریات اور سوچ کا مخالف ہے، شنگھائی تعاون تنظیم کی انسداد دہشت گردی کاوشوں کی حمایت کرتے ہیں،پاکستان کی شمولیت سے شنگھائی تعاون تنظیم کو عزائم کے حصول میں مدد ملے گی۔تفصیلات کے مطابق اقوام متحدہ میں پاکستان کی مستقل مندوب ملیحہ لودھی نے اقوام متحدہ اور شنگھائی تعاون تنظیم کے مابین شراکت داری پر اظہار خیال کرتے ہوئے کہا کہ پاکستان عالمی معاملات میں یکطرفہ نظریات اور سوچ کا مخالف ہے۔ علاقائی تعاون اور باہمی روابط کا فروغ پاکستان کی ترجیحات میں شامل ہے۔ملیحہ لودھی نے کہا کہ ایس سی او منفی قومیت پرستی اور نئی سامراجی سوچ کے خلاف اہم پلیٹ فارم ہے۔ شنگھائی تعاون تنظیم نے امن و سلامتی اور ترقی کے لیے گراں قدر کام کیا۔ انہوں نے کہا کہ شنگھائی تعاون تنظیم کی انسداد دہشت گردی کاوشوں کی حمایت کرتے ہیں۔ پاکستان کی شمولیت سے شنگھائی تعاون تنظیم کو عزائم کے حصول میں مدد ملے گی۔


شیئر

Related stories