پاکستانی وزیر اعظم عمران خان کی قطری ہم منصب سے ملاقات، اقتصادی تعاون پر تبادلہ خیال

پاکستانی وزیراعظم عمران خان نے قطرکے وزیراعظم عبداللہ بن ناصر بن خلیفہ الثانی سے دوحہ میں ان کی رہائش گاہ پرملاقات کی ہے۔ملاقات کے دوران دونوں ملکوں کے درمیان دوطرفہ تعلقات خصوصا اقتصادی تعاون پرتبادلہ خیال کیاگیا۔ قطری وزیراعظم نے اپنے پاکستانی ہم منصب کے اعزازمیں عشائیہ بھی دیا۔ملاقات کے دوران وزیرخارجہ شاہ محمودقریشی، وزیرخزانہ اسدعمر، وزیرپٹرولیم غلام سرورخان، وزیراعظم کے مشیرعبدالرزاق دائود، سیدذوالفقارعباس بخاری، سرمایہ کاری بورڈ کے چیئرمین ہارون شریف، توانائی کے بارے میں ٹاسک فورس کے چیئرمین نویدبابر، سیکرٹری خارجہ تہمینہ جنجوعہ اورقطر میں پاکستان کے سفیرسیداحسن رضاشاہ بھی موجودتھے۔