سی پیک پاکستان کی ترقی میں اہم کردار ادا کرے گا، چینی سفیر

پاکستان میں چینی سفیر یاو جنگ نے کہا ہے کہ سی پیک منصوبہ پاکستان کی ترقی میں اہم کردار ادا کرے گا،پاکستان کے طالب علم پاکستان کا روشن مستقبل ہیں۔ چینی نئے سال کے حوالے سے منعقدہ تقریب سے خطاب کرتے ہوئے چینی سفیر یاو جنگ نے کہا ہے کہ پاکستان کے طالب علم پاکستان کا روشن مستقبل ہیں، اعلی تعلیم اور محنت سے کامیابی حاصل کی جاسکتی ہے جب کہ پاک راہداری پاکستان کی ترقی میں اہم کردار ادا کرے گا۔چینی سفیر نے کہا کہ گزشتہ پانچ برسوں میں سی پیک کے متعد منصوبے مکمل ہوئے اور پرائیویٹ سیکٹرز کے ساتھ مل کر اکنامک زون بنائیں گے۔