ناران کو 4 ماہ بعد سیاحوں کیلئے کھول دیا گیا
2019-04-30 18:43:18
مانسہرہ کے تفریحی مقام ناران کو 4 ماہ بعد سیاحوں کے لیے کھول دیا گیا ہے، سڑک کھلتے ہی ملک بھر سے سیاح ناران پہنچنا شروع ہو گئے ہیں۔منگل کو این ایچ اے کے ترجمان کے مطابق جنوری کے پہلے ہفتے میں شدید برف باری کی وجہ سے کاغان شہر سے آگے سڑک ٹریفک کے لیے بند ہو گئی تھی۔23 کلو میٹر طویل ناران روڈ کی بحالی میں 10 بڑے اور 18 چھوٹے گلیشیئرز کو کاٹ کر راستہ بنایا گیا ہے،گلگت بلتستان کے عوام کے لیے بابو سر ٹاپ تک 80 کلو میٹر طویل سڑک کو بھی 30 جون تک کھول دیا جائے گا،ناران کا راستہ کھلتے ہی ملک بھر سے سیاح جوق در جوق ناران پہنچنا شروع ہو گئے ہیں۔
شیئر
