پاکستان کے دشمن سی پیک منصوبے میں پیش رفت نہیں چاہتے،وزیر خارجہ شاہ محمودقریشی

پاکستانی وزیرخارجہ شاہ محمودقریشی نے کہاہے کہ کچھ قوتیں پاکستان کوغیرمستحکم کرنااور چین پاکستان اقتصادی راہداری کو نقصان پہنچاناچاہتی ہیں۔ملتان میں صحافیوں سے گفتگوکرتے ہوئے انہوں نے کہاکہ پاکستان کے دشمن سی پیک منصوبے میں پیش رفت نہیں چاہتے جو خطے میں بڑے پیمانے پررابطوں اور تجارتی سرگرمیوں کاموقع فراہم کرے گا۔وزیرخارجہ نے گوادر میں دہشت گرد حملے کاحوالہ دیتے ہوئے کہاکہ پاکستان مکمل تحقیقات کے بغیر کسی ملک پرالزام عائد نہیں کرے گا۔