صدر پاکستان غیروابستہ ممالک کی تنظیم کے سربراہ اجلاس میں شرکت کیلئے باکو پہنچ گئے
2019-10-25 19:19:00
پاکستان کے صدرڈاکٹرعارف علوی غیروابستہ ممالک کی تنظیم کے سربراہ اجلاس میں شرکت کے لئے باکو پہنچ گئے ہیں۔صدر مملکت ڈاکٹر عارف علوی غیر وابستہ تحریک کے 18ویں سربراہی اجلاس میں شرکت کیلئے آذربائیجان کے دارالحکومت باکو پہنچ گئے۔ آذربائیجان کے نائب وزیراعظم علی احمدوف نے باکو انٹرنیشنل ایئرپورٹ پر صدر مملکت کا استقبال کیا۔ اس موقع پر صدر مملکت ڈاکٹر عارف علوی اور آذربائیجان کے نائب وزیراعظم نے دونوں برادرانہ ممالک کے درمیان دوطرفہ تعلقات پر تبادلہ خیال کیا۔ ایوان صدر کے میڈیا آفس کے مطابق صدر مملکت اس دوران آذربائیجان، افغانستان اور ایران کے صدور اور ملائیشیا کے وزیراعظم سمیت مختلف ممالک کے سربراہان مملکت سے ملاقاتیں بھی کریں گے۔
شیئر
