انسداد وبا میں چین کے کردار کی حمایت میں پاکستانی سینٹ سے قرارداد کی متفقہ منظوری ، چین کا خیر مقدم

چین کی وزارت خارجہ کے ترجمان چاو لی جیان نے پندرہ تاریخ کو میڈیا بریفنگ کے دوران کہا کہ پاکستانی سینٹ نے ایک قرارداد کی متفقہ منظوری دی ہے جس سے انسداد وبا میں چین کی بھر پور کوششوں کی توثیق ہوئی ہے۔ چین پاکستان کے منصفانہ موقف کو قدر کی نگاہ سے دیکھتا ہے اور پاکستان سمیت عالمی برادری کے ساتھ وبا سےنمٹنے کے لیے تعاون کو مستحکم کرنا چاہتا ہے ۔

چاو لی جیان نے کہا کہ وائرس کی کوئی سرحد نہیں ہے ۔ کچھ ممالک دیگر ممالک کو بد نام کر کے وبا کی روک تھام کے عالمی تعاون کو سبوتاژ کر رہے ہیں ۔ انہوں نے مزید کہا کہ چین انسداد وبا کے نازک موڑ پر پاکستان کی امداد کو کبھی فراموش نہیں کرے گا ۔ حقائق نے ایک بار پھر ثابت کیا ہے کہ چین اور پاکستان مخلص اور بہترین دوست ہیں ۔