چین کی کمیونسٹ پارٹی کی انیسویں قومی کانگریس کا انعقاد   جلد ہونے جا رہا ہے اور گزشتہ پانچ برسوں کے دوران سفارتی میدان میں چین کی   کامیابیوں کے حوالے سے جرمنی میں پاکستان کے سابق سفیر سید حسن جاوید نے چائنا   ریڈیو انٹر نیشنل کی اردو سروس سے خصوصی بات چیت کی۔ 

سید حسن جاوید چین  میں بھی   کئی برسوں تک سفارتی فرائض سر انجام دے چکے ہیں ، بطور ماہرچین پاک تعلقات جانے   جاتے ہیں اور چین کے حوالے سے کئی کتابوں کے مصنف  بھی ہیں۔انہوں نے اپنی بات چیت   میں کہا کہ  گزشتہ پانچ برسوں میں چین نے عالمی و علاقائی تناظر میں سفارتی شعبے   میں نمایاں کامیابیاں حاصل کی ہیں۔اس عرصے میں چین کی جانب سے دی بیلٹ اینڈ روڈ   انیشیٹو پیش کیا گیا جو مشترکہ مفاد کی ایک بہترین مثال ہے  دی بیلٹ اینڈ روڈ   انیشیٹو سے خطے میں امن ،استحکام و ترقی کو فروغ ملے گا ۔