مغربی افغانستان میں سکیورٹی فورسسز کی کارروائی، نو طالبان جنگجو ہلاک
2019-12-01 17:29:09
افغانستان کے مغربی صوبے فراہ سے یکم دسمبر کو موصولہ اطلاعات کے مطابق ضلع لش وا جوین میں حکومتی فورسز نے طالبان کے ٹھکانوں کو نشانہ بناتے ہوئے نو عسکریت پسندوں کو ہلاک کردیا۔
حکومتی ترجمان کی جانب سے جاری بیان کے مطابق، طالبان جنگجوؤں کا ایک گروپ ہفتے کی رات دیر گئے، سیکیورٹی فورسز کی چوکیوں پر حملہ کرنے کی منصوبہ بندی کر رہا تھا کہ سیکیورٹی فورسز نے شدت پسندوں کے ٹھکانے پر دھاوا بول دیا۔ اس کارروائی میں طالبان کمانڈر مولوی شمس الدین سمیت 9 افراد موقع پر ہی ہلاک ہوگئے۔
واضح رہے کہ طالبان عسکریت پسندوں نے پچھلے کئی مہینوں سے کابل کے مغرب میں چھ سو پچانوے کلومیٹر دوری پر واقع صوبے فراہ کے درالحکومت کو زیر کرنے کے لئے سرگرمیاں تیز کررکھی ہیں۔
شیئر
