ہانگ کانگ خصوصی انتظامی علاقے کے انتخابی نظام میں بہتری ، ہانگ کانگ کی ترقی و خوشحالی اور استحکام برقرار رکھنے کی اساس ہے ،سی آر آئی کا تبصرہ
2021-03-13 19:53:18
اس مرتبہ چین کی قومی عوامی کانگریس نے آئینی طور پر ہانگ کانگ خصوصی انتظامی علاقے کے انتخابی نظام میں بہتری لائی ہے۔ اس کا مقصد قومی سلامتی سے متعلق خطرات کا سدباب ، ہانگ کانگ خصوصی انتظامی علاقے کے سیاسی استحکام کا تحفظ اور ہانگ کانگ انتظامیہ کو لوگوں کے معاش میں بہتری سمیت اقتصادی ترقی کے لیے آزادی فراہم کرنا ہے۔ اس کا ہر گز یہ مطلب نہیں کہ اس اقدام سے اعلیٰ درجے کی خود اختیاری متاثر ہو گی ۔ اس کے برعکس ، یہ اقدام ہانگ کانگ کے جمہوری نظام کی بتدریج اور منظم ترقی کے لئے موزوں ہے اور اس بات کی بہتر ضمانت فراہم کرتا ہے کہ ہانگ کانگ کو اعلیٰ خود اختیاری حاصل ہے۔
