عالمی چیلنجز پر جی 20 کے ردعمل کی کلید ،عملی اقدامات کرنا ہے،سی آر آئی کا تبصرہ
2021-11-01 19:00:20
عالمی برادری کو ماحولیاتی تبدیلی اور توانائی کے چیلنجوں سے نمٹنے کے لیے کن عملی اقدامات کی ضرورت ہے؟ صدر شی جن پھنگ نے روم سمٹ میں تین اقدامات پیش کیے: جامع اور متوازن پالیسی اور اقدامات کو اپنانا، ماحولیاتی تبدیلی سے متعلق اقوام متحدہ کے فریم ورک کنونشن اور پیرس معاہدے کو مکمل اور مؤثر طریقے سے نافذ کرنا، اور ترقی پذیر ممالک کی حمایت میں اضافہ کرنا۔ ان تین نکاتی تجاویز نے عالمی برادری کے لئے آگے بڑھنے کی سمت کی نشاندہی کی ہے اور چیلنجوں کا جواب دینے کے لیے G20 کے لیے تحریک پیدا کی ہے۔
اس وقت دنیا کو متعدد بحرانوں کا سامنا ہے، اور دنیا کو پہلے سے کہیں زیادہ عملی اقدامات کی ضرورت ہے۔ چین کی طرف سے روم سمٹ میں پیش کیے گئے اقدامات اور مخصوص تجاویز سے اتفاق رائے پیدا کرنے، اقدامات کو مضبوط بنانے اور مشترکہ چیلنجوں پر قابو پانے اور مشترکہ ترقی کو فروغ دینے میںG20 کی کوششوں کے لئے انتہائی مددگار ثابت ہوں گے۔
