پاکستان کی ترقی میں ایشین انفراسٹرکچر انویسٹمنٹ بینک کا اہم کردار
چوبیس تاریخ کو ایشین انفراسٹرکچر انویسٹمنٹ بینک کے قیام کی چھٹی سالگرہ کے موقع پر پاکستان کی وزارت اقتصادی امور کے شعبہ چین کے جوائنٹ سیکرٹری اور ایشین انفراسٹرکچر انویسٹمنٹ بینک کے بورڈ آف ڈائریکٹرز کے ڈائریکٹرچوہدری اسلم نے چائنا میڈیا گروپ کو انٹرویو دیتے ہوئے کہا کہ گزشتہ چھ برسوں میں بینک نے پاکستان اور ایشیائی ممالک میں بنیادی ڈھانچے کی تعمیر اور موجودہ وبا ئی صورتحال سے نمٹنے میں زبردست تعاون کیا ہے۔ انہوں نے کہا کہ مذکورہ بینک نے ایم فور نیشنل ہائی وے، تربیلا ہائیڈرو پاور توسیعی منصوبے، بالا کوٹ ہائیڈرو پاور اسٹیشن ، کراچی اور لاہور کے فراہمی آب اور آلودہ پانی کے اخراج کے منصوبوں اور کراچی بی آر ٹی منصوبے سمیت دیگر بنیادی تنصیبات کی تعمیر کے لیے ایک ارب پچاس کروڑ ڈالر سے زائد کے قرضوں کی منظوری دی ہے۔ اس کے علاوہ وبا ئی صورتحال کے دوران مذکورہ بنک نے پاکستان کو 750 ملین ڈالر کے انسداد وبا قرض جاری کیے تاکہ پاکستان کو وبا کے باعث معاشی اور سماجی اثرات سے نمٹنے میں مدد مل سکے۔
