7 جون کو وزارت خارجہ  کے ترجمان جاؤ  لی جیان نے ایک باقاعدہ پریس کانفرنس کی صدارت کی۔ ایک رپورٹر نے  ایک سوال پوچھا کہ اطلاعات کے مطابق، 6 جون کو بین الاقوامی جوہری توانائی ایجنسی   نے اپنے بورڈ آف گورنرز کا اجلاس منعقد کیا اور تیسری بار فیصلہ کیا کہ ایک رسمی  موضوع کے طور پر  امریکہ، برطانیہ اور آسٹریلیا کے درمیان جوہری آبدوز کے تعاون سے  متعلق امور پر بات چیت کی جائے۔ اس پر چین کا کیا تبصرہ  ہے؟

ترجمان  نے  کہا کہ چینی فریق کی تجویز پر آئی اے ای اے کے بورڈ آف گورنرز نے تیسری بار اتفاق  رائے سے فیصلہ کیا کہ مذکورہ امور  پر بات چیت کی جائے۔  یہ امریکہ، برطانیہ اور  آسٹریلیا کے درمیان جوہری آبدوز کے تعاون میں شامل ہتھیاروں کے درجے کے جوہری مواد  کی منتقلی پر عالمی برادری کی انتہائی اہمیت اور سنجیدہ تشویش کی مکمل عکاسی کرتا  ہے۔