چین کے خلاف نیٹو کا" اقتصادی ورژن‘‘ بنانا بہت خطرناک ہوگا۔ چینی وزارت خارجہ

2022/07/03 17:01:17
شیئر:

یکم جولائی کو چینی وزارت خارجہ کے یورپی ڈویژن کے ڈائریکٹر  وانگ لو تھونگ نے جی سیون اور  نیٹو سمٹ میں چین سے متعلقہ امور کے حوالے سے چائنا میڈیا گروپ کو خصوصی انٹرویو دیتے ہوئے کہا کہ چین کے خلاف  نیٹو کا" اقتصادی ورژن‘‘ بنانا بہت خطرناک ہوگا۔ 
" دی بیلٹ اینڈ روڈ انیشیٹیو" سے  مقابلہ کرنے کے لیے  جی ۷ کے پیش کردہ " عالمی انفراسٹرکچر انویسٹمنٹ پارٹنرشپ" منصوبے کے حوالے سے انہوں نے کہا کہ مختلف قسم کے منصوبے ایک دوسرے کے مقابل یا الگ نہیں ہوتے بلکہ انہیں ہم آہنگ بنایا جانا چاہیے۔  چین کا ماننا ہے کہ بنیادی ڈھانچے کی تعمیر کو جغرافیائی سیاسی مفادات کے حصول کے بہانے کے طور پر استعمال نہیں کیا جانا چاہیے بلکہ لوگوں کو حقیقی فائدہ پہنچانے کے لیے استعمال کیا جانا چاہیے۔
وانگ لو تھونگ نے مزید کہا کہ حالیہ دنوں سننے میں آیا ہے کہ  چین کے خلاف نیٹو کا ایک "اقتصادی ورژن" بنایا جائے گا ۔ یہ عالمی اقتصادی نظام اور بین الاقوامی تجارتی قوانین کو شدید نقصان پہنچائے گا، اور بہت خطرناک بھی ہو گا۔