ہانگ کانگ خصوصی انتظامی علاقے کی حکومت نے دو تاریخ کو امریکی ایوان نمائندگان کی اسپیکر نینسی پیلوسی کے دورہ تائیوان کی شدید مخالفت اور مذمت کی ۔
ہانگ کانگ کے چیف ایگزیکٹو جون لی نے کہا کہ پیلوسی کا چین کے علاقے تائیوان کا دورہ ون چائنا اصول کی صریح خلاف ورزی ہے، جس سے چین کی خودمختاری اور علاقائی سالمیت کو شدید نقصان پہنچایا گیا ہے، آبنائے تائیوان کے امن و استحکام کو شدید خطرات سے دوچار کیا گیا ہے اور بین الاقوامی تعلقات کے بنیادی اصولوں کی سنگین خلاف ورزی کی گئی ہے ۔