16 ستمبر کو، تائیوان کو امریکی ہتھیاروں کی فروخت کے منصوبے کے بارے میں ایک رپورٹر کے سوال کے جواب میں، چینی وزارت خارجہ کی ترجمان ماؤ  نینگ نے کہا کہ چین کے اقتدار اعلی اور سلامتی مفادات کے تحفظ کے لیے،چینی حکومت نے ریتھیون ٹیکنالوجیز کے چیئرمین اور سی ای او کروکری  ہیز اور بوئنگ ڈیفنس کے صدر اور سی ای او کیلبرٹ پر ہتھیاروں کی فروخت میں ملوث ہونے پر پابندیاں عائد کرنے کا فیصلہ کیا ہے۔

ترجمان نے کہا چین نے ایک بار پھر امریکی حکومت اور متعلقہ فریقوں پر زور دیا ہے کہ وہ ون چائنا اصول اور چین امریکہ تین مشترکہ اعلامیوں کی پاسداری کریں، تائیوان کو ہتھیاروں کی فروخت بند کریں اور امریکہ اور تائیوان کے درمیان فوجی تعلقات بند کریں اور آبنائے تائیوان میں تناؤ پیدا کرنے سے گریز کریں۔ چین حقائق کی روشنی میں اپنے اقتدار اعلی اور سلامتی مفادات کے مضبوطی سے تحفظ کے لیے تمام ضروری اقدامات کرتا رہے گا۔