19 ستمبر کو چین کے صدر مملکت  شی جن پھنگ نے ساتویں چین-یوریشیا  ایکسپو کے نام مبارکباد کا خط بھیجا۔
شی جن پھنگ نے نشاندہی کی کہ یوریشیائی براعظم ترقی کے جوش اور صلاحیت سے بھرا ہوا ہے اور "بیلٹ اینڈ روڈ" کی مشترکہ تعمیر میں بین الاقوامی تعاون کا کلیدی علاقہ ہے۔ حالیہ برسوں میں، چین کے سنکیانگ ویغور خود اختیار علاقے نے اپنے جغرافیائی فوائد کا بھرپور استعمال کیا ہے، شاہراہ ریشم کی اقتصادی پٹی کے بنیادی علاقے کی تعمیر کو فعال طور پر فروغ دیا ہے، اور چین اور ایشیا کے ممالک کے درمیان باہمی روابط، باہمی فائدہ مند تعاون اور مشترکہ ترقی کو فروغ دیا ہے۔ 
واضح رہے کہ ساتویں چائنا-یوریشیا  ایکسپو اسی دن سنکیانگ کے شہر ارمچی میں شروع ہوئی، جس کا موضوع "مستقبل کے لیے مشترکہ مکالمہ، مشترکہ تعمیر، اشتراک اور تعاون" ہے۔