چین کی وزارت صنعت اور انفارمیشن ٹیکنالوجی کی طرف سے حال ہی میں جاری کردہ اعداد و شمار کے مطابق، اس سال جنوری سے جولائی تک، چین  کی صنعتی سافٹ ویئر پروڈکٹس کی آمدنی 121.9 بلین یوآن رہی، جو کہ سال بہ سال 8.7 فیصد زیادہ ہے۔
صنعتی ڈیجیٹلائزیشن اور ذہنی تبدیلی کو فروغ دینے کے لیے صنعتی سافٹ ویئر کی ترقی انتہائی اہم ہے۔ حالیہ برسوں میں، چین  نے صنعتی سافٹ ویئر کے لیے پالیسی سپورٹ کو مضبوط کیا ہے، کلیدی اور بنیادی ٹیکنالوجی کی تحقیق میں مسلسل ترقی کی ہے، صنعتی سافٹ ویئر ایپلی کیشنز کا فروغ  جاری رکھا ہے، اور صنعتی سافٹ ویئر کے معروف کاروباری اداروں کی تعمیر کو تیز کیا ہے۔
وزارت صنعت اور انفارمیشن ٹکنالوجی کے اعداد و شمار  کے مطابق حالیہ برسوں میں، چین  کی صنعتی سافٹ ویئر مارکیٹ کے پیمانے میں مسلسل اضافہ ہوا ہے، سپلائی کی صلاحیت کو مؤثر طریقے سے بہتر بنایا گیا ہے، اور ترقیاتی ماحول میں مسلسل بہتری آئی ہے۔ 2019 سے 2021 تک، قومی صنعتی سافٹ ویئر کی مصنوعات کی آمدنی کی سالانہ کمپاؤنڈ ترقی کی شرح 18.5 فیصد تک پہنچ چکی ہے۔
اگلے مرحلے میں، متعلقہ ادارے صنعتی سافٹ ویئر ایپلی کیشن کے فروغ، مصنوعات کی تحقیق وغیرہ کے شعبوں  میں ٹھوس اقدامات کریں گے، کلیدی مصنوعات پر توجہ مرکوز کریں گے اور کلیدی ٹیکنالوجیز  کی دریافت پر سرمایہ کاری جاری رکھیں گے اور صنعت کی اعلیٰ معیار کی ترقی کو فروغ دیں گے۔