متعدد بین الاقوامی شخصیات کے خیال میں کمیونسٹ پارٹی آف چائنا کی 20 ویں قومی کانگریس نے چین کی مستقبل کی ترقی کے لئے ایک بلیو پرنٹ تیار کیا ہے ، اور  اجلاس میں تجویز کردہ "چینی طرز کی جدیدیت" چین کے قومی حالات کے مطابق ہے جو چین کی وسیع تر ترقی کے لیے اہم ہے۔وینزویلا کی سینٹرل یونیورسٹی کے شعبہ سیاسیات کے پروفیسر جان بینتھ  کے مطابق جنرل سیکرٹری شی جن پھنگ کی جانب سے بیان کردہ کمیونسٹ پارٹی آف چائنا کے رہنما اصول اور ترقیاتی سمت بہت واضح ہیں اور چین نئے  عہد  میں چینی خصوصیات کے حامل سوشلزم کی بھرپور تعمیر کر رہا ہے اور دنیا میں بنی نوع انسان کے ہم نصیب معاشرے کی تعمیر کو فروغ دے رہا ہے۔کوریا انسٹی ٹیوٹ آف ایسٹ ایشین اسٹڈیز کے ڈائریکٹر اور جنوبی  کوریا چائنا گلوبل ایسوسی ایشن کے صدر یو شوگن نے کہا کہ شی جن پھنگ کی رپورٹ میں چینی طرز کی جدیدیت کا تصور بھی پیش کیا گیا ہے، ہر ملک کے اپنے قومی حالات ہوتے ہیں، مغربی ممالک چین کو نظر انداز کرنے کے لیے مختلف بہانے تلاش کرتے رہے ہیں لیکن چین نے شی جن پھنگ اور کمیونسٹ پارٹی آف چائنا کی قیادت میں ترقی کی ہے اور آپ مسلسل دیکھ   سکتے ہیں کہ چینی عوام کو چینی طرز کی جدیدیت پر مکمل اعتماد ہے۔