اکتیس اکتوبر کو امریکہ اور کینیڈا سمیت کچھ ممالک نے اقوام متحدہ کی 77 ویں جنرل اسمبلی کی تیسری کمیٹی میں چین کی ساکھ خراب کرنے کی کوشش  کی جس کی اقوام متحدہ میں چینی وفد کے قائم مقام ناظم الامور دائی بِنگ نےسخت الفاظ میں مذمت کی۔ 

دائی بِنگ نے کہا کہ امریکہ سمیت مغربی ممالک کی جانب سےسنکیانگ امور کے بارے میں ہنگامہ برپا کرنے کا اصل سبب یہ ہے کہ وہ انسانی حقوق کی آڑ میں چین کے استحکام کو نقصان پہنچانا چاہتے ہیں اور چین کی ترقی کو روکنا چاہتے ہیں تاکہ اپنی بالادستی کی حفاظت کر سکیں، آج وہ چین کو ہدف بنا رہے ہیں ، کل وہ دوسرے ترقی پزیر ممالک کو ہدف بنائیں گے۔

چین نےنشاندہی کی کہ انسانی حقوق سے وابستہ امور پرامریکہ سمیت دیگر مغربی ممالک نے دوہرا معیار اپنایا ہوا ہے۔وہ درجنوں رکن ممالک پر الزام لگاتے ہیں مگر اپنی غلطیوں کو نظر انداز کرتے ہیں۔چین نے اس بات پر زور دیا کہ چین، مختلف ممالک کے ساتھ مل کر  حقیقی کثیرالجہت پسندی پر قائم رہنے، اقوام متحدہ کو مرکزبنا کر  بین الاقوامی نظام کی حفاظت کرنے ، انصاف کی جانب عالمی حکمرانی کو آگے بڑھانے اور بنی نوع انسان کے ہم نصیب معاشرے کی تعمیر کرنا چاہتا ہے۔