جشن بہار کے تعطیلات میں کے شعبہ ِ نقل وحمل کی بحالی

2023/02/16 10:18:31
شیئر:

پندرہ فروری کو  2023 کے جشن بہار کی سفری سرگرمی "چھون یون" کا چالیس روزہ دورمکمل ہوا ہے۔رواں سال آمدورفت میں کافی اضافہ دیکھنے میں آیا ہے اور اندازہ ہے کہ کل  1595  ملین مسافروں نے سفر کیا ہے جو کہ گزشتہ سال کی اسی مدت سے 50.5  فیصد زیادہ ہے اور  2019 کی اسی مدت کا 53.5 فیصد ہے۔
چائنا نیشنل ریلوے کمپنی کے اعدادوشمار کے مطابق 2022 میں کل 13 نئی ریلوے لائنز  کا افتتاح کیا گیا  جن کی مدد سے "چھون یون" کے دوران  سفر کی زیادہ بہتر سہولیت دستیاب ہوئی ۔ سیروسیاحت اور صارفین کی مارکیٹ  میں بھرپور رونق نظر آئی ہے،ایک سیاحتی پلیٹ فارم کے اعدادوشمار کے مطابق ،جشن بہار کے دوران گیسٹ ہاؤسز کی بکنگز میں سال بہ سال  260 فیصد کا اضافہ ہوا ہے۔ کارگو نقل و حمل بھی عروج پر رہی اور سازوسامان  کی فراہمی کو یقینی بنایا گیا۔
اس کے علاوہ اندرونی و بیرونی دوہری گردش میں بھی چھون یون کا اہم کردار رہاہے۔چائنا ریلوے ایکسپریس کی مسلسل 33 ماہ تک ماہانہ ایک ہزار سے زائد ریل گاڑیاں چلتی رہیں،مغربی بری و بحری جامع راہداری اور چین لاؤس ریلوے لائن پر سامان کی نقل و حمل میں مسلسل اضافہ ہو رہا ہے جس سے عالمی صنعتی و سپلائی چین کے استحکام کو بھرپور مدد ملی ہے۔