36 ویں افریقی یونین سمٹ  18 اور 19 فروری کو ایتھوپیا کے شہر ادیس ابابا میں منعقد ہوئی ۔ اقوام متحدہ کے اسسٹنٹ سیکرٹری جنرل اور افریقی رسک کیپسٹی گروپ کے ڈائریکٹر جنرل ابراہیم نے کہا کہ افریقہ اس وقت شدید موسمیاتی  چیلنجز  کا سامنا کر رہا ہے اور موسمیاتی تبدیلی میں چین کا تجربہ افریقہ کے لیے بہت مددگار ثابت ہوگا۔ انہوں نے کہا کہ چین کے پاس  موسمیاتی تبدیلی کے مسائل اور آفات سے نمٹنے کا وسیع تجربہ ہے اور چین افریقی ممالک کو تکنیکی مدد اور موسمیات سے متعلق صلاحیت سازی کی تعمیر  میں معاونت فراہم کر سکتا ہے تاکہ ہم افریقی ممالک کو اس سلسلے میں اپنی استعداد کار بہتر بنانے میں مدد دے سکیں۔ انہوں نے کہا کہ  ہم جیت  جیت کی  بنیاد پر اسٹریٹجک شراکت داری کو فروغ دینے کے منتظر ہیں۔