4 مارچ کی سہ پہر 3 بجے چینی عوامی سیاسی مشاورتی کانفرنس کی 14 ویں قومی کمیٹی کا پہلا اجلاس عظیم عوامی ہال میں شروع ہوا اور سی پی سی کی مرکزی کمیٹی کے جنرل سیکریٹری، چین کے صدر مملکت اور مرکزی فوجی کمیشن کے چیئرمین شی جن پھنگ سمیت دیگر رہنما اور ریاستی عہدیدار اجلاس میں شریک ہوئے۔
 معلوم ہوا ہے  کہ چین کی عوامی سیاسی مشاورتی کانفرنس  کی 14 ویں قومی کمیٹی کے 2 ہزار 169 ارکان ہیں جن کا تعلق 34 شعبوں سے ہے۔ ان میں سے 60.8 فیصد غیر سی  پی  سی ارکان ہیں۔ اگلے ساڑھے سات دنوں کے دوران  شرکاء سی پی پی سی سی کی قومی کمیٹی کے نئے چیئرمین اور وائس چیئرمین کا انتخاب کریں گے اور چین کی سیاسی، معاشی، سماجی زندگی اور دیگر شعبوں میں اہم فیصلوں پر مشاورت اور تبادلہ خیال کریں گے۔
 چینی عوامی سیاسی مشاورتی  کانفرنس کمیونسٹ پارٹی آف چائنا  کی قیادت میں کثیر جماعتی تعاون اور سیاسی مشاورت کا ایک اہم ادارہ ہے، جو قومی حکمرانی کے نظام کا ایک اہم حصہ ہے، اور چینی خصوصیات کا  حامل ادارہ جاتی انتظام ہے.