چین اور اسپین کے مابین سفارتی تعلقات کے قیام کی 50 ویں سالگرہ کے موقع پر  چائنا میڈیا گروپ   （سی ایم جی）اور ہسپانوی وزارت ثقافت اور سپورٹس  کے زیر اہتمام "چینی اور مغربی ثقافتی سفر" نامی سرگرمی کا باضابطہ آغاز کیا گیا۔ کمیونسٹ پارٹی آف چائنا کی مرکزی کمیٹی کے پبلسٹی ڈیپارٹمنٹ کے  نائب سربراہ اور سی ایم  جی کے صدر  شین ہائی شیونگ، اسپین کے وزیر ثقافت و کھیل میکل اسیٹا، اسپین میں چین کے سفیر وو ہائِی ٹاؤ اور چین میں ہسپانوی سفیر ڈیسکایا نے افتتاحی تقریب میں ورچوئل شرکت کی اور تقاریر کیں۔
شین ہائی شیونگ نے اپنے خطاب میں کہا کہ رواں سال چین اور اسپین کے درمیان سفارتی تعلقات کے قیام کی 50 ویں سالگرہ ہے۔ "چینی اور مغربی ثقافتی سفر"  میڈیا  سرگرمی ،دستاویزی فلم کے  ذریعے چین-مغربی تبادلوں  کی تاریخ کا جامع جائزہ لے گی، اور گزشتہ 50 سالوں میں دونوں ممالک کے درمیان ترقی کے سیاق و سباق اور گہری دوستی کی عکاسی کرے گی۔  نیو میڈیا ٹیکنالوجی کے ذریعے  چینی اور مغربی آرٹ کے شعبوں میں مکالمے کو فروغ دیا جائے گا ۔ فورم اور نیو میڈیا کی براہ راست نشریات کے ذریعے، چین اور مغرب کی منفرد کشش اور باہمی سیکھنے کی کامیابیوں کو اندرون اور بیرون ملک سامعین اور ناظرین کے سامنے پیش کیا جائے گا۔میڈیا کوریج کے ذریعے،  چینی اور مغربی جڑواں شہروں کے درمیان روایتی دوستی اور تعاون کو ظاہر کیا جائے گا  تاکہ  چین اور مغرب کے درمیان ثقافتی تبادلہ  ایک نئے مرحلے میں داخل ہو سکے ۔ 
واضح رہے کہ "چینی اور مغربی ثقافتی سفر"  نامی سرگرمی سال بھر  جاری رہے گی۔ اس دوران ،  سی ایم جی کا سی جی ٹی این (چائنا گلوبل ٹیلی ویژن نیٹ ورک) مختلف انداز سے میڈیا پروگرامز اور آن لائن اور آف لائن فورمز  فراہم کرے گا ۔