حکومت پاکستان  کے مطابق  یونانی تارکین وطن کی کشتی ڈوبنے کے واقعے میں ملوث 14 افراد کو گرفتار کر لیا گیا  ہے جبکہ پولیس کا کہنا ہے کہ وہ دیگر مشتبہ افراد  کے  تعاقب میں بھی ہے۔  اس حادثے کا شکار ہونے والے  83 پاکستانی ابھی تک  لا پتہ ہیں۔
یاد رہے کہ  14 جون کو یونان کے قریب تارکین وطن کی ایک غیر روایتی کشتی الٹ گئی تھی جس کے بعد  یونانی کالاماٹا کوسٹ گارڈ نے 15 تاریخ کو اعلان کیا تھا  کہ اس حادثے میں  78 افراد ہلاک ہوئے ہیں۔ ابتدائی اطلاعات کے مطابق جہاز پر کم از کم 400 پاکستانی، 200 مصری اور 150 شامی شہری سوار تھے جن میں خواتین اور بچے بھی شامل تھے۔ یونان کے ساحل پر تارکین وطن کی کشتی الٹنے سے اب تک  100 سے زائد  افراد کی  ہلاکت اور سیکڑوں کے  لاپتہ ہونے کی اطلاعات ہیں۔ فی الحال پاکستانی حکومت نے جہاز پر سوار پاکستانیوں کی درست  تعداد کی تصدیق نہیں کی ۔