30 جون کو ارجنٹائن نے  آئی ایم ایف کے خصوصی ڈرائنگ رائٹس اور آر ایم بی سیٹلمنٹ کا استعمال کرتے ہوئے آئی ایم ایف کو اسی دن واجب الادا 2.7 ارب ڈالر کے قرضوں کی ادائیگی کی۔ یہ پہلا موقع ہے جب ارجنٹائن نے اپنے بیرونی قرضوں کی ادائیگی کے لئے چینی کرنسی آر ایم بی کا استعمال کیا ہے۔ اس سے ایک روز قبل ارجنٹائن کے مرکزی بینک نے اعلان کیا تھا کہ وہ آر ایم بی کو ان کرنسیوں میں شامل کرے گا جن تک ملک کے بینکاری نظام میں رسائی حاصل کی جاسکتی ہے اور مقامی مالیاتی اداروں کی جانب سے چینی یوآن سیونگ اکاؤنٹس کھولنے کی منظوری دی جائے گی۔ ارجنٹائن کے مرکزی بینک کے پریزیڈنٹ نے کہاکہ  "دنیا کے بہت سے ممالک کی طرح، ارجنٹائن ہمیشہ آر ایم بی کی بین الاقوامیت کے بارے میں پرامید رہا ہے"۔
چین اور ارجنٹائن کے درمیان مالی تعاون میں توسیع دوطرفہ اقتصادی اور تجارتی تعلقات کا ایک صحت مند مظہر ہے۔ اس وقت چین ارجنٹائن کے اہم ترین تجارتی شراکت داروں میں سے ایک ہے۔ مارکیٹ کے آزادانہ انتخاب کا احترام کرنے کی بنیاد کے تحت ، دونوں ملکوں کے  کاروباری ادارے دوطرفہ  تجارت اور سرمایہ کاری میں زیادہ مقامی کرنسیوں کا استعمال کریں گے ، جس سے تبادلے کے اخراجات میں کمی آئے گی ، شرح تبادلہ کے خطرات میں کمی آئے گی ، اور دوطرفہ تجارت کو بڑھانے میں مدد ملے گی۔

کسی بھی تعاون کو  باہمی طور پر فائدہ مند ہونا چاہیے ۔ارجنٹائن کے لئے، آر ایم بی کے استعمال کو بڑھانے سے اس کے سب سے اہم گھریلو  مالیاتی مسائل کو حل کرنے میں مدد مل سکتی ہے. چین کے لئے، ارجنٹائن کے ساتھ مقامی کرنسی کا تبادلہ بھی فائدہ مند ہے. آر ایم بی میں اپنے قرض کی ادائیگی ارجنٹائن کو اپنے قرضوں پر ڈیفالٹ سے بچنے، میکرو اکنامک استحکام برقرار رکھنے اور مارکیٹ کے اعتماد کو بڑھانے کی اجازت دے گی. ارجنٹائن کی معاشی صورتحال کا استحکام بلاشبہ چین ارجنٹائن اقتصادی اور تجارتی تعاون کے لئے ایک ناگزیر شرط ہے۔
لاطینی امریکہ کے بہت سے دوسرے ممالک کو  امریکہ کی مالیاتی پالیسی کی وجہ سے سخت نقصانات کا سامنا کرنا پڑا ہے اور وہ قرضوں کے دلدل میں ڈوبے ہوئے ہیں۔ ڈالر پر انحصار کم کرنا ارجنٹائن کے لیے ڈالر کی بالادستی کو توڑنے کے لیے ایک اہم قدم ہے۔
اس وقت برازیل، ارجنٹائن اور دیگر ممالک کی اپیلوں کے تحت لاطینی امریکہ کے دیگر ممالک نے "ڈی ڈالرائزیشن" کا تصور پیش کیا ہے۔ یہ بہت سے ترقی پذیر ممالک کی خواہش کی عکاسی کرتا ہے کہ وہ اپنی مالیات کو متنوع بنائیں اور ایک آزاد ترقی کے راستے پر چلیں۔ جیسا کہ اخبار ایسپنیول نے ایک مضمون میں کہا ہے کہ دنیا میں امریکی ڈالر کا غلبہ اور بالادستی ناقابل تسخیر نہیں ہے۔