تیئیس اکتوبر کی صبح سات بجکر انتالیس منٹ پر  چین کے شہر چھینگ ڈاؤ میں مس لیو  نے آن لائن ڈاؤن جیکٹ بک کی، یوں 2023 میں چین کی 100 ارب ویں کوریئر ڈلیوری کا آغاز ہوا۔ چین کے اسٹیٹ پوسٹ بیورو کے کوریئر بگ ڈیٹا پلیٹ فارم کے مطابق، مس لیو کی جانب سے اسی دن چھینگ ڈاؤ میں آن لائن خریدی گئی ڈاؤن جیکٹ جیانگ سو صوبے کی چھانگ شو  فیکٹری میں تیار کی گئی تھی اور اسے جِنگ ڈونگ چھینگ ڈاؤ لاجسٹکس پارک سے بھیجا گیا تھا، اور اسی دن مس لیو کو موصول بھی ہو گئی۔ 2021 کے بعد سے یہ مسلسل تیسرا سال ہے کہ چین میں کوریئرز  کی سالانہ تعداد 100 ارب پیسز سے تجاوز کر گئی ہے ، اور رواں سال کے 100 ارب ویں پیس کی ترسیل پچھلے سال کے مقابلے میں 39 دن پہلے ہی مکمل کر لی گئی ہے جو چین کی مسلسل معاشی بہتری  کی مضبوط محرک قوت کا عکاس ہے۔

کوریئر کی صنعت ایک سرے پر پیداوار اور دوسرے سرے پر کھپت سے جڑی ہوئی ہے ، جو معاشی ترقی اور کھپت کا "بیرومیٹر" ہے۔ کوریئر کی تعداد چین کی معاشی کارکردگی کا مشاہدہ کرنے کے لئے اہم اشاریوں میں سے ایک ہے. اعداد و شمار  کے مطابق  2016 سے 2021 تک ، چین میں کوریئر کی تعداد میں سالانہ  20فیصد  سے زیادہ کی  ترقی   برقرار رہی ہے۔ اس سال کی پہلی تین سہ ماہیوں میں ، چین میں کوریئر  کی تعداد (چائنا پوسٹ گروپ کے پارسلز کو چھوڑ کر)  مجموعی طور پر 93.12 بلین پیسز سے تجاوز کر گئی ، جو سال بہ سال 16.4 فیصد کا اضافہ ہے۔ ان میں دوسری اور تیسری سہ ماہی میں کوریئر کی تعداد  میں بالترتیب  سال بہ سال  21 فیصد اور 16.8 فیصد کا اضافہ ریکارڈ کیا گیا،  جس میں سے 18 سے 27 ستمبر تک مسلسل 10 دن کوریئر کی یومیہ تعداد 400 ملین پیسز سے متجاوز رہی۔

حالیہ برسوں میں ، کوریئر انڈسٹری میں بگ ڈیٹا ، کلاؤڈ کمپیوٹنگ ، انٹرنیٹ آف تھنگز اور مصنوعی ذہانت جیسی جدید ٹیکنالوجیز کے وسیع پیمانے پر استعمال کے ساتھ ، کوریئر  پروسیسنگ کا وقت بہت کم ہوگیا ہے۔ لاجسٹکس کی ایک نئی شکل کے طور پر کوریئر انڈسٹری کی تیز رفتار ترقی بھی اس سال چین کی اعلیٰ معیار کی معاشی ترقی کی ایک اہم خصوصیت کی عکاسی کرتی ہے ، یعنی  "نئی سمت" سے تعلق رکھنے والی  ٹیکنالوجیز اور صنعتوں نے تیزی سے ترقی حاصل کی ہے۔

اس سال کے آغاز سے ، چین کی کھپت نے مسلسل بحالی کا رجحان دیکھا ہے ، اور کھپت کے نئے فارمیٹس فعال رہے ہیں۔ چین کی وزارت تجارت کے بگ ڈیٹا مانیٹرنگ کے مطابق پہلی تین سہ ماہیوں میں آن لائن ریٹیل کے کھپت پر نمایاں اثرات مرتب ہوئے ہیں۔ اشیاء کی آن لائن ریٹیل فروخت میں سال بہ سال 8.9 فیصد اضافہ ہوا، جو اشیاء کی کل خوردہ فروخت کا 26.4 فیصد بنتا ہے، اور گزشتہ سال کی اسی مدت کے مقابلے میں 0.7 فیصد پوائنٹس کا اضافہ ہے۔ آن لائن ٹریول سروسز اور آن لائن انٹرٹینمنٹ کی فروخت میں بالترتیب 241.1 فیصد اور 94.9 فیصد اضافہ ہوا جبکہ آن لائن کیٹرنگ  کی خدمات میں 27.4 فیصد اضافہ ہوا۔ملک بھر میں  دیہی آن لائن خوردہ فروخت 1.7 ٹریلین یوآن تک پہنچ گئی ، جو 12.2فیصد  کا اضافہ ہے۔ لائیو اسٹریمنگ ای کامرس جیسے نئے فارمیٹس کی ترقی کا رجحان مضبوط رہا۔ ملک بھر میں لائیو اسٹریمنگ ای کامرس کی فروخت 1.98 ٹریلین یوآن تک پہنچ گئی ، جو 60.6فیصد کا اضافہ ہے  اور  آن لائن خوردہ فروخت کا 18.3فیصد ہے۔

ڈیجیٹل اور حقیقی معیشت کا انضمام روایتی صنعتوں کی اپ گریڈنگ میں مدد کر رہا ہے۔ حالیہ دنوں جاری کردہ  "2023 گلوبل ڈیجیٹل اکانومی ڈویلپمنٹ انڈیکس" رپورٹ کے مطابق، عالمی ڈیجیٹل معیشت کا پیمانہ 35 ٹریلین امریکی ڈالر سے تجاوز کر گیا ہے، اور چین کی ڈیجیٹل معیشت کا پیمانہ دنیا کا 20.6فیصد بنتا ہے، جو دنیا میں تیسرے نمبر پر ہے. چین کے "سلک روڈ ای کامرس" پارٹنر ممالک کی تعداد بڑھ کر 30 ہو گئی ہے، جس سے عالمی ڈیجیٹل معیشت کی ترقی میں تیزی آئی ہے۔چین کے کسٹمز کے اعداد و شمار سے پتہ چلتا ہے کہ رواں سال جنوری سے ستمبر تک چین کی سرحد پار ای کامرس کی درآمدات اور برآمدات 1.7 ٹریلین یوآن رہیں ، جو 14.4فیصد کا اضافہ ہے۔ اور 30 "سلک روڈ ای کامرس" شراکت دار ممالک کے ساتھ سرحد پار ای کامرس کی درآمد اور برآمد کا  چین کی کل سرحد پار ای کامرس کی درآمدات اور برآمدات میں تناسب  30 فیصد سے زیادہ ہے۔

چین کے قومی محکمہ شماریات کے مطابق ، پہلی تین سہ ماہیوں میں ، چین کی ہائی ٹیک انڈسٹری کی سرمایہ کاری نے تیزی سے ترقی حاصل کی ، ہائی ٹیک مینوفیکچرنگ سرمایہ کاری اور ہائی ٹیک سروس انڈسٹری کی سرمایہ کاری میں سال بہ سال بالترتیب 11.3 فیصد اور 11.8 فیصد اضافہ ہوا۔ چین کی اعلیٰ معیار کی اقتصادی ترقی کی نئی برتری  تیزی سے تشکیل پا رہی  ہے. نئی توانائی کی گاڑیوں ، لیتھیم بیٹریوں اور فوٹو وولٹک سیلز جیسی "نئی تین اقسام" کی مصنوعات میں تیز ترقی کا رجحان  برقرار رہا ہے۔ نئی توانائی سے چلنے والی گاڑیوں کی فروخت میں سال بہ سال 27.7 فیصد اضافہ ہوا، جو تمام نئی گاڑیوں کی فروخت کا 31.6 فیصد ہے۔ بی وائی ڈی نے اپنی کارکردگی کی پیش گوئی جاری کرتے ہوئے کہا کہ 2023 کی تیسری سہ ماہی میں کمپنی کی نئی توانائی کی گاڑیوں کی فروخت ریکارڈ سطح پر پہنچنے کا سلسلہ جاری ہے اور توقع ہے کہ خالص منافع میں سال بہ سال 120.16 فیصد سے 141.64 فیصد اضافہ ہوگا۔ فوٹو وولٹک سیلز پر معروف لسٹڈ کمپنی ہائی نان ڈرینڈا نیو انرجی ٹیکنالوجی کمپنی لمیٹڈ کو تیسری سہ ماہی میں سال بہ سال 370 فیصد سے 510 فیصد خالص منافع حاصل کرنے کی توقع ہے۔

اس وقت جاری 134 ویں کینٹن فیئر نے دنیا بھر کے 210 ممالک اور علاقوں سے غیر ملکی خریداروں کو اپنی طرف متوجہ کیا ، جو پچھلے سیشن  کے مقابلے میں 50 فیصد سے زیادہ کا اضافہ ہے۔ چھٹی چائنا انٹرنیشنل امپورٹ ایکسپو ، جو 5 نومبر کو شروع ہوگی ، میں 3،400 سے زیادہ نمائش کنندگان اور 394،000 پیشہ ور وزیٹرز رجسٹرڈ ہیں ، اور فارچیون 500 کمپنیوں اور صنعت کے معروف کاروباری اداروں کے عالمی ہیڈ کوارٹر کے 100 سے زائد ایگزیکٹوز نے ایکسپو میں شرکت کے لئے چین آنے کی تصدیق کی ہے ، اور ایکسپو کا  پیمانہ ریکارڈ سطح پر پہنچ گیا ہے۔ کینٹن فیئر سے امپورٹ ایکسپو تک ، نئی ٹیکنالوجیز ، نئی مصنوعات اور نئی خدمات مسلسل  پیش کی جا رہی ہیں ، جو اعلیٰ معیار کے کھلے پن کو فروغ دینے اور اعلیٰ معیار کی اقتصادی ترقی کی تعمیر میں چین کے خلوص اور اعتماد کی عکاسی کرتی ہیں۔