19 نومبر تک فلسطین اسرائیل تنازعے کے موجودہ دور میں دونوں اطراف سے کم از کم 15,546 افراد ہلاک ہو چکے ہیں۔ ان میں سے غزہ کی پٹی میں 14,128، مغربی کنارے میں 218 اور اسرائیل کی جانب  تقریبا 1،200 افراد ہلاک ہوئے۔

 مقامی وقت کے مطابق  21  تاریخ کو  فلسطینی پناہ گزینوں کے لئے اقوام متحدہ کے ریلیف اینڈ ورکس ایجنسی نے ایک بیان جاری کیا جس میں دکھایا گیا ہے کہ 19 نومبر تک، فلسطین اسرائیل تنازعہ  سے غزہ کی پٹی میں تقریبا 1.7 ملین افراد  بے گھر  ہو چکے ہیں، اور یو این آر ڈبلیو اے کے 104 کارکن ہلاک ہو چکے ہیں. رپورٹ میں کہا گیا ہے کہ یہ اقوام متحدہ کی تاریخ میں جنگ میں ہلاک ہونے والے اقوام متحدہ کے امدادی کارکنوں کی سب سے بڑی تعداد ہے، جن میں سے کم از کم نصف جنوبی غزہ کی پٹی میں ہلاک ہوئے۔

 اعداد و شمار کے مطابق امدادی سامان لے جانے والے مجموعی طور پر 1268 ٹرک رفح کراسنگ کے ذریعے غزہ کی پٹی میں داخل ہوئے ہیں۔

 21 نومبر کو حماس کے سیاسی بیورو کے رہنما اسماعیل ہانیہ نے کہا کہ حماس کے حکام اور اسرائیل "جنگ بندی کے معاہدے تک پہنچنے کے قریب ہیں"۔ دوسری جانب اسرائیلی ٹی وی چینل 12   نے اکیس تاریخ کو ایک سینئر اسرائیلی عہدیدار کے حوالے سے بتایا کہ اسرائیل غزہ کی پٹی میں زیر حراست کچھ افراد کی رہائی کے لیے حماس کے ساتھ معاہدے تک پہنچنے کے بہت قریب ہے۔