امریکہ اور برطانیہ کی جانب سے یمن میں حوثی مسلح افواج کے اہداف پر حملے
چائنا میڈیا گروپ کے مطابق ، 12 تاریخ کی علی الصبح حوثی مسلح افواج کے زیر کنٹرول کئی مقامات پر امریکی فضائی حملے کیے گئے۔دارالحکومت صنعا اور الحدیدہ میں دھماکوں کی آوازیں سنی گئیں۔
امریکی حکام نے مقامی وقت کے مطابق گیارہ تاریخ کو بتایا کہ امریکہ اور برطانیہ نے یمن میں حوثی مسلح افواج کے اہداف پر حملے شروع کر دیے ہیں۔ گزشتہ سال کے آخر میں بحیرہ احمر میں بین الاقوامی تجارتی جہازوں پر حملے کے بعد یہ پہلا موقع ہے جب امریکہ اور برطانیہ نے حوثیوں کے خلاف حملے شروع کیے ہیں۔
یمنی حوثی مسلح افواج کے رہنما عبدالمالک حوثی نے گیارہ تاریخ کو ایک تقریر کرتے ہوئے کہا کہ امریکہ کی طرف سے حوثی مسلح افواج کے خلاف کسی بھی حملے کا موثر جواب دیا جائے گا، اور مستقبل میں حوثی مسلح افواج کی جانب سے جوابی حملے مزید پرتشدد ہو جائیں گے۔
