17 جنوری کو ، چینی  صدر شی جن پھنگ نے فیلکس شیسی کیدی کو   ڈیموکریٹک  ری پبلک آف کانگو  کے صدر کی  حیثیت سے  دوبارہ منتخب ہونے پر مبارکباد کا پیغام بھیجا۔ 

 اپنے پیغام میں شی جن پھنگ نے کہا کہ  ڈیموکریٹک  ری پبلک آف کانگو  چین کا  روایتی دوست ملک اور  جامع اسٹریٹجک تعاون کا شراکت دار ہے۔ حالیہ برسوں میں دوطرفہ تعلقات میں تیزی سے ترقی ہوئی ہے، عملی تعاون کےمثبت نتائج برآمد ہوئے ہیں اور روایتی دوستی گہری ہوئی ہے۔ انہوں نے کہا کہ وہ باہمی سیاسی اعتماد کو گہرا کرنے، دونوں ممالک کے درمیان جامع اسٹریٹجک تعاون کی شراکت داری کے معیار کو بلند کرنے  اور چین- کانگو تعاون کی نئی اور وسیع تر ترقی کو فروغ دینے کے لیے صدر شیسی کیدی کے ساتھ کام کرنے کے خواہاں  ہیں۔