ڈریگن کے سال کے جشن بہار کے  موقع پر چائنا میڈیا گروپ کی جانب سے تیار کردہ چینی نئے سال کا لائٹ شو 7، 8 اور 9 فروری کو مسلسل تین روز تک دبئی کے معروف لینڈ مارک  اور دنیا کی بلند ترین عمارت برج خلیفہ کو روشن کرے گا تاکہ چین کی جانب سے دنیا کو نیک خواہشات کا اظہار کیا جائے۔

 اس سال چین اور متحدہ عرب امارات کے درمیان سفارتی تعلقات کے قیام کی 40 ویں سالگرہ منائی جا رہی ہے اور لائٹ شو میں دونوں ممالک کے درمیان بیلٹ اینڈ روڈ انیشی ایٹو کے اہم تعاون کے منصوبوں پر توجہ مرکوز کی گئی ہے، جن میں صحرا میں تیز رفتار  ریلوے، صاف اور ماحول دوست شمسی توانائی اسٹیشنز ، ایرو اسپیس تعاون  اور  مصنوعی ذہانت کے تکنیکی تبادلے شامل ہیں،جس سے  چین-متحدہ عرب امارات جامع اسٹریٹجک شراکت داری کی نتیجہ خیز کامیابیوں کو واضح طور پر ظاہر کیا گیا ہے۔