یوکرین کے صدر ولادیمیر زیلنسکی نے  مقامی وقت کے مطابق  25 فروری کو ایک  پریس کانفرنس میں کہا کہ  یوکرین روس تنازعے کے آغاز کے بعد سے اب تک 31 ہزار یوکرینی فوجی ہلاک ہو چکے ہیں۔

 انہوں نے  کہا کہ یورپی یونین کی جانب سے   یوکرین سے  وعدہ  کئے گئے  1 ملین توپ خانے کے گولوں میں سے صرف 30 فیصد موصول ہوئے اور  یورپی یونین کے خارجہ امور اور سلامتی پالیسی کے اعلی نمائندے جوزف بوریل نے کہا ہے کہ اس سال کے آخر تک یوکرین  کو درکار تمام ہتھیار اور سازوسامان مل جائے گا۔

 زیلنسکی نے  یہ بھی کہا کہ حالیہ مہینوں میں یوکرین کو ایک پیچیدہ صورتحال کا سامنا کرنا پڑا  جسے سیاسی اور مالی شعبوں میں حل کرنے کی ضرورت ہوگی۔ اس کے علاوہ ، اگر یوکرین کی مسلح افواج کے ناکافی اہلکاروں کا مسئلہ حل نہیں کیا جاسکتا ہے تو ، یہ یوکرین کی علاقائی سالمیت  کے نقصان کا باعث بنے گا  کیوں کہ یوکرین کو اس  وقت فرنٹ لائن پر روس کی جانب سے سخت دباؤ کا سامنا ہے۔