چائنا ریلوے انٹرنیشنل کمپنی لمیٹڈ کے انچارج کے مطابق ، جکارتہ۔ بانڈونگ ہائی اسپیڈ ریلوے کا گزشتہ سال 17 اکتوبر  سے باضابطہ آغاز ہوا تھا۔ تین مارچ تک یہ ریلوے مسلسل  139 دنوں سے محفوظ طریقے سے کام کر رہا ہے ، اور مسافروں کی مجموعی تعداد 2 ملین سے تجاوز کر گئی ہے۔

جکارتہ۔بانڈونگ ہائی اسپیڈ ریلوے کے افتتاح کے بعد جکارتہ اور بانڈونگ کے درمیان سفر کا دورانیہ 3 گھنٹے سے کم ہو کر 46 منٹ رہ گیا ہے۔ اس وقت جکارتہ بانڈونگ ہائی اسپیڈ ریلوے پر چلنے والی ٹرینوں کی یومیہ تعداد 14 سے بڑھ کر 40 ہوگئی ہے، مسافر نشستوں کی تعداد 8 ہزار 400 سے بڑھ کر 24 ہزار سے زائد ہوگئی ہے،یومیہ مسافروں کی تعداد 21 ہزار 537  تک پہنچ چکی ہے اور مسافر ٹرینوں میں نشستوں کے اعتبار سے مسافروں کا حجم 99.6 فیصد تک پہنچ چکا ہے۔