9 تاریخ کو ہیٹی میں اقوام متحدہ کی بین الاقوامی تنظیم برائے مہاجرین کے سربراہ  فلپ برانچٹ نے کہا کہ ہیٹی کے دارالحکومت پورٹ او پرنس کے بیشتر علاقے اور مختلف مقامات کی طرف جانے والی اہم شاہراہیں اس وقت مسلح افراد کے کنٹرول میں ہیں اور بڑی تعداد میں لوگ شہر چھوڑ رہے ہیں۔ پورٹ او پرنس کا ہوائی اڈہ اب بھی بند ہے اور فی الحال ہیٹی میں کوئی انسانی امداد داخل نہیں ہو رہی ہے۔

 مقامی وقت کے مطابق آٹھ تاریخ کو  پورٹ او پرنس میں ایوان صدر کے قریب بڑے پیمانے پر فائرنگ کا تبادلہ ہوا۔ 9 تاریخ کو ہیٹی کی پولیس نے کہا کہ انہوں نے ایوان صدر  پر گینگ فورسز کے حملے کو پسپا کر دیا ہے اور حملے کی منصوبہ بندی کرنے والا مسلح رہنما ہلاک کر دیا گیا ہے۔ رواں سال 29 فروری سے ہیٹی کے دیگر مسلح گروہوں نے عبوری حکومت کے وزیر اعظم ایریل ہنری کے استعفے کا مطالبہ کرنے کے لیے پورٹ او پرنس کے پولیس اسٹیشن، پولیس کالج اور دیگر تنصیبات پر حملے کیے ۔