مقامی وقت کے مطابق  12 مارچ کو ، چیک جمہوریہ کے نیٹو میں شمولیت کی 25 ویں سالگرہ کے موقع پر ، سینکڑوں افراد نے  چیک کے دارالحکومت  پراگ میں جمع ہوکر  امن کا مطالبہ کیا اور چیک  کی نیٹو میں شمولیت کی مخالفت کی۔ مظاہرین نے اس موقع پر بینرز اٹھا رکھے تھے جن پر 'امن کی ضرورت ، نیٹو کی نہیں' کے نعرے درج تھے۔ کچھ مظاہرین کا کہنا تھا کہ وہ   چیک میں امریکی فوجی اڈے کے قیام کی مخالفت کرتے ہیں،وہ  جنگ کے بجائے امن چاہتے ہیں۔

 اس کے ساتھ ہی 4 مارچ سے شروع ہونے والی"نارڈک رسپانس 2024" فوجی مشقیں  دو ہفتوں تک جاری رہنے کے بعد  اختتام کو پہنچ رہی ہیں۔پتہ چلا ہے کہ یہ مشق نیٹو کی بڑے پیمانے پر  رواں سال جنوری سے شروع ہونے والی فوجی مشق "اسٹیڈ فاسٹ ڈیفنڈر   2024" کا ایک حصہ ہے ، جس کا مقصد آرکٹک علاقے میں ہنگامی صورتحال کا جواب دینے کے لئے نیٹو اتحادیوں کی ردعمل کی صلاحیت کو مضبوط بنانا ہے۔ 

روسی فیڈریشن کونسل  کے رکن سرگئی سیکوف نے 12 تاریخ کو کہا کہ نیٹو کا بنیادی مقصد اور کام دفاع نہیں بلکہ روس کو کمزور اور تقسیم کرنا ہے۔ روسی خبر رساں ادارے اسپوتنک کو دیے گئے ایک انٹرویو میں انہوں نے اس بات پر زور دیا کہ 'باہمی سلامتی پر کسی معاہدے تک پہنچنے کے بجائے نیٹو نے یوکرین کو اپنی فوجی چوکی اور برج ہیڈ بنانے کا فیصلہ کیا ہے۔ "