مقامی وقت کے مطابق  26 مارچ کو دوپہر ایک بجے کے قریب خیبربختونخواہ میں داسو ہائیڈرو پاور سٹیشن پراجیکٹ کی ایک گاڑی کو   راستے میں دہشت گردی کے حملے کا نشانہ بنایا گیا  جس کے نتیجے میں پانچ چینی اور ایک پاکستانی اہلکار ہلاک اور متعدد زخمی  ہوئے۔

 پاکستان میں چینی سفارتخانے اور قونصل خانے نے اپنے بیان میں دہشت گردی کی   اس  کارروائی کی شدید مذمت کی ۔بیان میں  دونوں ممالک کے شہریوں کی ہلاکت پر  گہرے رنج اور تعزیت   اور متاثرین کے لواحقین سے دلی ہمدردی کا اظہار کیا گیا ہے۔ پاکستان میں چینی سفارت خانے اور قونصل خانے نے پاکستان سے مطالبہ کیا کہ ہے  وہ حملے کی مکمل تحقیقات کر کے قصورواروں کو سخت سزا دے اور ساتھ ہی پاکستان میں چینی شہریوں، اداروں اور منصوبوں کے تحفظ کے لیے موثر اقدامات کرے  تاکہ اس  بات کو یقینی بنا یا جائے کہ  ایسے واقعات دوبارہ نہ ہوں۔

 اس واقعے پر  اسی روز پاکستانی صدر آصف علی زرداری نے ایک بیان  میں حملے کی شدید مذمت  کرتے ہوئے  چینی شہریوں کی ہلاکت پر گہرے رنج و غم کا اظہار کیا اور  ہلاک ہونے والے چینی شہریوں کے اہل خانہ اور چینی حکومت سے دلی  ہمدردی  ظاہر کی ۔ انہوں نے کہا کہ پاکستان دشمن عناصر  کی  چین  پاکستان دوستی کو نقصان پہنچانے کی سازش کامیاب نہیں ہوگی۔

پاکستان کی قومی اسمبلی نے ایک بیان جاری کیا ہے  جس میں  اسپیکر  ایازصادق اور ڈپٹی سپیکر غلام مصطفیٰ نے اس حملے کی شدید مذمت کی ہے۔ بیا ن میں کہا گیا ہے کہ دہشت گردوں کی مذموم سازش میں معصوم چینی شہریوں کو نشانہ بنایا گیا۔ چین اور پاکستان باہمی اعتماد کے دوست ہیں اور چینی شہریوں پر حملے ناقابل برداشت ہیں۔ بیان میں کہا گیا ہے کہ  پارلیمنٹ اور پاکستانی عوام  جاں بحق ہونے والوں کے اہل خانہ سے تعزیت کا اظہار کرتے ہیں اور  قانون نافذ کرنے والے ادارے  دہشت گردی  کی اس کارروائی  میں مجرموں کو کیفر کردار تک پہنچائیں گے۔