مقامی وقت کے مطابق 5 تاریخ کو  ورلڈ فوڈ پروگرام نے ایک بیان جاری کیا جس میں کہا گیا کہ امدادی سامان سے بھرے دو قافلے حالیہ دنوں مغربی سوڈان کی ریاست مغربی دارفور اور شمالی دارفور پہنچے تھے، جو کئی ماہ میں پہلی مرتبہ تھا کہ اقوام متحدہ کے کسی ادارے نے دارفور میں انسانی امداد پہنچائی ہے۔

 بیان میں کہا گیا ہے کہ دونوں قافلے تقریباً 1900 ٹن سامان لے کر  دارفور پہنچے  تھے، جس میں بنیادی طور پر خوراک شامل تھی، جس کے ذریعے 250،000 شہریوں کو انتہائی ضروری غذائی امداد فراہم کی گئی ہے۔ بیان میں مزید کہا گیا ہے کہ دارفور میں تقریباً 1.7 ملین افراد اس وقت خوراک کی ہنگامی صورتحال کا سامنا کر رہے ہیں اور قحط کے دہانے پر ہیں۔ ورلڈ فوڈ پروگرام  نے سوڈان میں مستقل انسانی راہداریوں کے قیام کا مطالبہ کیا ہے تاکہ سوڈان کے تمام حصوں تک امداد کی پائیدار اور بلا روک ٹوک رسائی کو یقینی بنایا جاسکے۔