مقامی وقت کے مطابق 6 اپریل کو نکاراگوا کی حکومت نے ایکواڈور کے ساتھ سفارتی تعلقات منقطع کرنے کا اعلان کیا۔ اعلان میں نکاراگوا کی حکومت نے 5  اپریل  کو ایکواڈور میں میکسیکو کے سفارت خانے میں ایکواڈور پولیس کے داخلے کی مذمت کی اور اسے بین الاقوامی قانون کی صریح خلاف ورزی قرار دیا۔ میکسیکو کی وزیر خارجہ ایلیسیا باسینانے 5  اپریل  کو سوشل میڈیا کے ذریعے کہا کہ  ایکواڈور کی جانب سے سفارتی تعلقات سے متعلق ویانا کنونشن کی کھلی خلاف ورزی اور ایکواڈور میں میکسیکو کے سفارت کاروں کو پہنچنے والے نقصان کے پیش نظر ایکواڈور کے ساتھ سفارتی تعلقات منقطع کر دیے  گئے ہیں۔ بارسینا نے کہا کہ میکسیکو بین الاقوامی عدالت انصاف سے اپیل کرے گا کہ وہ ایکواڈور کو بین الاقوامی قوانین کی خلاف ورزیوں پر جوابدہ ٹھہرائے۔

 5 اپریل کی شام کو ، ایکواڈور کی سیکیورٹی فورسز کی ایک بکتر بند گاڑی  ایکواڈور میں میکسیکو کے سفارت خانے میں داخل  ہوئی  اور سفارت خانے میں موجود ایکواڈور کے سابق نائب صدر گلاس کو گرفتار کرلیا۔ گلاس 17 دسمبر 2023 کو میکسیکو میں سیاسی پناہ کی درخواست دینے کے بعد سے  سفارت خانے میں موجود  تھے ۔حالیہ واقعے سے قبل  میکسیکو کی حکومت نے سفارت خانے میں داخل ہونے اور سابق نائب صدر کو  گرفتار کرنے کی ایکواڈور کی درخواست  کو مسترد  کر دیا تھا ۔