آج بیجنگ میں پاکستانی سفارت خانے کے زیر اہتمام ممتاز چینی شخصیت کو سول اعزاز دینے کی ایک پروقار تقریب منعقد ہوئی۔ تقریب میں سفیرپاکستان جناب خلیل ہاشمی نے صدر پاکستان کی جانب سے سفیر لوؤ چاؤ ہوئی کو ہلال قائداعظم سے نوازا۔

جناب لوؤ چاؤ ہوئی ممتاز سابق سفارت کار ہونے کے ساتھ ساتھ چائنا انٹرنیشنل ڈیولپمنٹ کوآپریشن ایجنسی کے چیئرمین بھی ہیں۔

اس موقع پر اظہار خیال کرتے ہوئے جناب خلیل ہاشمی نے جناب لوؤ چاؤ ہوئی کی پاک چین دوستی کے فروغ کے لیے خدمات کو شاندار الفاظ میں خراج تحسین پیش کیا۔

اپنے خطاب میں جناب لوؤ چاؤ ہوئی نے پاکستانی عوام اور حکومت کی جانب سے ملنے والی محبت پر اظہار تشکر کیا۔

 تقریب میں پاکستانی سفارت خانے کے اعلیٰ عہدیداروں سمیت پاکستانی اور چینی کمیونٹی سے وابستہ افراد نے بھرپور شرکت کی۔