18 اپریل کو چینی وزارت خارجہ کے ترجمان لین جیئن  نے یومیہ پریس کانفرنس میں بحیرہ جنوبی چین کے معاملے پر تبصرہ کرتے ہوئے کہا  کہ چین متعلقہ ممالک کی جانب سے بلاک سیاست کھیلنے کی سختی سے مخالفت کرتا ہے اور بحیرہ جنوبی چین کے معاملے پر متعلقہ ممالک کی جانب سے چین کے خلاف بے بنیاد الزامات اور بدنام کرنے کی کوششوں کو کبھی قبول نہیں کرے گا۔

ترجمان نے کہا کہ  بحیرہ جنوبی چین کے نام نہاد ثالثی کیس میں دیا گیا فیصلہ غیر قانونی اور کالعدم ہے۔ چین ثالثی کو قبول یا اس میں حصہ نہیں لیتا، نام نہاد  فیصلے کو قبول یا تسلیم نہیں کرتا، اور کالعدم فیصلے کی بنیاد پر کسی بھی دعوے اور اقدامات کو قبول نہیں کرتا۔ بحیرہ جنوبی چین میں نام نہاد  ثالثی کیس اور اس کے غیر قانونی فیصلے سے فلپائن سمیت علاقائی ممالک کے مفادات کو نقصان پہنچتا ہے۔ چین ملکی اور بین الاقوامی قوانین کے مطابق اپنے جائز حقوق کا بھرپور دفاع جاری رکھے گا۔ ہم متعلقہ ممالک پر زور دیتے ہیں کہ وہ حقیقت کو  صحیح معنوں میں سمجھتے ہوئے بار بار غلطیاں نہ کریں۔