سی پی سی سینٹرل کمیٹی کے جنرل سیکرٹری، عوامی جمہوریہ چین کے صدر اور سینٹرل ملٹری کمیشن کےچیئرمین شی جن پھنگ نے 23  اپریل  کی سہ پہر چھونگ چھینگ میں نئے دور میں مغربی خطے کی بڑے پیمانے پر ترقی کےفروغ سے متعلق ایک سمپوزیم کی صدارت کی اور ایک اہم تقریر کی۔

 انہوں نے کہا کہ ملک میں اصلاحات، ترقی اور استحکام کی مجموعی صورتحال میں مغربی خطہ اہم کردار ادا کرتا ہے۔ مغربی خطے کی بڑے پیمانے پر ترقی کے لئے پالیسیوں اور اقدامات پر عمل درآمد کو فروغ دینا، تحفظ ماحولیات، کھلے پن اور اعلی معیار کی ترقی کا ایک نیا نمونہ تشکیل دینا، خطے کی مجموعی طاقت اور پائیدار ترقی کی صلاحیت میں اضافہ کرنا، اور چینی طرز کی جدیدیت  میں مغربی خطے کی بڑے پیمانے پر ترقی میں ایک نیا باب لکھنے کی کوشش کرنا ضروری ہے.

شی جن پھنگ نے نشاندہی کی کہ مغربی خطہ  چینی قوم کا شعور کو اجاگر  کرنے اور نسلی اتحاد اور سرحدی استحکام کی حفاظت میں اہم کردار ادا کرتا  ہے۔ اقلیتی علاقوں میں اس پورے عمل اور ترقی کے تمام پہلوؤں میں شرکت کے احساس کو مضبوط سے مضبوط تر کیا جانا چاہئے۔ معاشی اور سماجی ترقی کو فروغ دینے، سماجی تحفظ کے نظام کو بہتر بنانے، لوگوں کے ذریعہ معاش کی نچلی سطح کو مضبوط بنانے اور لوگوں کے فوری مسائل کو حل کرنے کی کوشش پر گہری توجہ رکھنی چاہیے۔