چائنا مینڈ اسپیس انجینئرنگ آفس کے مطابق چین کے انسان بردار خلائی جہاز اور خلائی اسٹیشن کمپلیکس کی  کامیاب  ڈاکنگ  کے بعد شینزو-18 کے خلاباز ، خلائی جہاز کے ریٹرن ماڈیول سے آربٹ  ماڈیول میں داخل ہوگئے ہیں ۔ بیجنگ وقت کے مطابق 26 اپریل کی صبح پانچ بج کر چار منٹ پر  تھیان گون سپیس اسٹیشن پر موجود شینزو 17 کے  عملے نے   سپیس اسٹیشن کا دروازہ کھولا اور شینزو 18 کے عملے کا استقبال کیا ۔ دونوں مشنز کا عملہ یعنی  یہ چھ خلاباز مختلف طے شدہ فرائض کی انجام دہی کے لیے  تقریباً پانچ دن تک خلائی اسٹیشن میں  ایک ساتھ کام کریں گے۔