حال ہی میں چین کے دورے پر آئے ہوئے  ہنگری کے وزیر خارجہ پیٹر سجارتو  نے چائنا میڈیا گروپ کے ساتھ ایک  خصوصی انٹرویو  میں کہا کہ   ہنگری  ہمیشہ چین کے ساتھ اسٹریٹجک تعاون پر مبنی تعلقات کو بہت اہمیت  دیتا ہے  اور صدر شی جن پھنگ کے  دورہ ہنگری کا منتظر ہے جس سے دونوں ممالک کے درمیان تعلقات میں ایک نئے باب کا آغاز ہو گا ۔

 انہوں نے مزید کہا کہ صدر شی جن پھنگ کا دورہ ہنگری ہمارے لیے اعزاز کی بات ہے۔ اس سال ہنگری اور چین کے درمیان سفارتی تعلقات کے قیام کی 75 ویں سالگرہ ہے، اور ہنگری نے ہمیشہ عوامی جمہوریہ چین کے ساتھ اسٹریٹجک تعاون کے تعلقات کو بہت اہمیت دی ہے. انہوں نے کہا کہ  چین کی جانب سے ویزا فری پالیسی کے اعلان کے فوری بعد، ہنگری نے بھی اس بات کو یقینی بنایا کہ ہنگری میں چینی سرمایہ کاروں کے تمام نمائندوں کو پانچ سال کی مدت کے لئے ویزا جاری کیا جائے۔ اس سے بلاشبہ دونوں ممالک کے عوام کے درمیان دوستی کو فروغ ملے گا، دونوں ممالک کے درمیان تبادلوں میں اضافہ ہوگا، اور ہنگری کے زیادہ سے زیادہ سیاحوں اور کاروباری افراد کو چین کا سفر کرنے اور کام کرنے کی اجازت ملے گی. ہم نے بڈھاپسٹ کے لئے براہ راست پروازوں کے ساتھ چینی شہروں کی تعداد کو سات تک بڑھانے کے لئے چینی ایئر لائنز کے ساتھ مزید معاہدے کیے ہیں۔ 

سجارتو  نے  اعتماد ظاہر کیا کہ صدر شی جن پھنگ کے دورہ ہنگری سے دوطرفہ تعلقات کو فروغ ملے گا اور ہنگری بیلٹ اینڈ روڈ انیشی ایٹو  فریم ورک کے تحت متعدد صنعتی ترقیاتی منصوبوں کے ہموار آغاز کا منتظر ہے۔