چین اور امریکہ کی ماحولیاتی اقدامات میں بہتری سے متعلق ٹاسک فورس کا اجلاس آٹھ سے نو مئی تک واشنگٹن ڈی سی میں منعقد ہوا۔ اجلاس کی مشترکہ صدارت چین کے خصوصی ایلچی برائے موسمیاتی تبدیلی لیو جھین من اور امریکی صدر کے سینئر مشیر برائے بین الاقوامی موسمیاتی پالیسی جان پوڈیسٹا نے کی اور اس میں دونوں ممالک کے حکام نے شرکت کی۔

اجلاس میں سان فرانسسکو میں ہونے والے چین امریکہ سمٹ کا حوالہ دیا گیا جس میں توانائی کی منتقلی، میتھین اور دیگر غیر کاربن ڈائی آکسائیڈ گرین ہاؤس گیسوں، گردشی معیشت اور وسائل کی کارکردگی، جنگلات کی کٹائی، کم کاربن والے صوبوں / ریاستوں اور شہروں کے شعبوں پر توجہ مرکوز کی گئی ہے۔ اجلاس میں   آذربائیجان  کے شہر باکو میں موسمیاتی تبدیلی سے متعلق اقوام متحدہ کے فریم ورک کنونشن (کاپ  29) کے فریقوں کی 29 ویں کانفرنس  میں پیش کردہ    کثیر الجہتی امور پر تعاون  کو آگے بڑھانے پر  تبادلہ خیال کیا گیا ہے ۔ فریقین نے موسمیاتی بحران اور اس کے اثرات سے موثر انداز میں نمٹنے کے مقصد سے آب و ہوا کی پالیسیوں اور اقدامات میں اپنے تجربات اور چیلنجوں کا تبادلہ کیا۔

فریقین 29 اور 30 مئی کو برکلے، کیلیفورنیا میں منعقد ہونے والے لوکل کلائمیٹ ایکشن پر امریکہ اور چین کے اعلیٰ سطحی پروگرام کے منتظر ہیں۔