چین کے وزیر اعظم لی چھیانگ نے 12 مئی کو میشوسٹن کو روسی فیڈریشن کے وزیر اعظم کے طور پر دوبارہ منتخب ہونے پر مبارکباد دی ہے۔ لی چھیانگ نے کہا کہ چینی صدر شی جن پھنگ اور روسی صدرولادیمر پیوٹن کی اسٹریٹجک رہنمائی میں نئے عہد میں چین اور روس کے درمیان جامع اسٹریٹجک شراکت داری نے صحت مند اور مستحکم ترقی کو برقرار رکھا ہے۔ فریقین کے درمیان باہمی سیاسی اعتماد، باہمی فائدہ مند تعاون اور افرادی و ثقافتی تبادلوں کو مسلسل مضبوط بنایا جا رہا ہے، جس سے دونوں ممالک اور عوام کو ٹھوس فوائد حاصل ہوئے ہیں۔چینی وزیر اعظم نے کہا کہ وہ چین اور روس کے تعلقات میں موضوعات میں اضافہ کرنے اور دونوں ممالک کے درمیان عملی تعاون کو مضبوط بنانے میں نئی خدمات سرانجام دینے کے لئے وزیر اعظم میشوسٹن کے ساتھ مل کر کام جاری رکھنے کے لئے تیار ہیں۔